2012-12-22

البداية

قررت أشارك ....

بعد فترة طويلة جدا اتعودنا فيها ان كل واحد ما يقولش اللى جواه، وان المعلومة اللى نعرفها نحتفظ بيها لنفسنا. لكن ساعات كتير بتبقى محتاج تعرف حاجه وبتقعد بالساعات تدور عليها على الأنترنت أو تسأل اصحابك او تتصل بالشركات اللى ليك علاقه بيها علشان توصل لمعلومه مهمه لشغلك او لحياتك الخاصة.
بعد الثورة، وبعد مساحة الحرية اللى اصبحت متاحة وبعد ما عرفنا اهمية مشاركة المعلومة بينا. قررت اشارك، علشان كده بدأت بعمل المدونه دى اللى حكتب فيها كل حاجه تتعلق بشغلى كمدير لأدارة نظم المعلومات فى احد الشركات الصناعية الكبرى.

ححاول انقل ليكم اللى اتعلمته واللى عرفته خلال فترة عملى على مدار 15 سنه، واتمنى انكم تشاركونى نتبادل معلوماتنا وافكارنا. وبكده معلوماتنا حتزيد وخبرتنا حتزيد لأننا بنشارك خبرات بعض.

ويارب مصر تبقى احسن بلد فى العالم.

هناك 7 تعليقات:

  1. بداية موفقة أن شاء الله

    ردحذف
  2. تمام يا بشمهندس ياريت حضرتك تنقل لينا الخبرة خصوصا ان الخبرة مهمة لينا كوننا شباب لسه في بداية الطريق
    وبصراحة مجهود رائع وربنا يوفقك ان شاء الله

    ردحذف
  3. غير معرف20/12/12 09:56

    و الله يا سيدى لو كل الناس بتفكر زيك كده فى مصر
    كان حالنا اكيد حيبقى احسن
    لأن مش المهم انك تكتسب الخبرة
    المهم انك تنقلها للى بعدك
    الاجيال الشابة علشان مندورش فى حلقة مفرغة
    و نقعد نخترع الدراجه على طول

    ردحذف
  4. غير معرف20/12/12 10:12

    شكرا يا بشمهندس على هذه المدونه وكلامك يستحق التقدير وبالتوفيق بأذن الله

    ردحذف
  5. الف الف مرووووووووك على هذه المدونه يا بشمهندس ايهاب ، و التى اتوقع ان تكون مليئه بخلاصة خبراتك فى مجال نظم المعلمومات من خلال موقعك كمدير إدارة نظم المعلومات لسنوات عديده

    مع تمنياتى بالتوفيق

    ردحذف
  6. tamer atef25/12/12 10:19

    الف مبروك يا بشمهندس ايهاب علي المندونه الجديده وبجد الموضوع ده مهم لناس كتير جدا ....لان دلوقتي كله بيبخل بالمعلومات ...بارك الله فيك واكثر من امثالك لان حضرتك مثل للاخلاق والاحترام ...

    ردحذف
  7. من النادر فى هذا الزمان انك تلاقى حد عنده معلومة وعايز يفيدك بيها... جزاك الله خيرا على هذا الفكر الراقى والمجهود الرائع

    ردحذف